Si u Signuruzzu scinnissi 'n Palermu

pinsassi d'essere o 'nfernu.

Strati di sangu

vuci ri dispirati

Linzoli bianchi stinnuti

la munnizza di li cosi scurdati.

Passassi 'na la sciumara

ri picciotti partuti

c'ammatula portanu la so cruci.

U' c'è mimoria

U'c'è spiranza

C'è suli genti chi dormi

genti chi mancia

Chi suca la terra

Chi 'nciucia e cumanna.

Ca testa 'ncasciata e i vrazzi caruti

Pi la so via ritorna u Siguruzzu.

Mancu lu Criaturi putìa fari megghiu

U' c'è 'nfernu uguali a Palermu.

 Torna all'indice della rubrica L'angolo aperto della poesia